બાળકોની સલામતી માટેનાં સૂચનો.

• શક્ય હોય તો નાનાં બાળકોને ઘરમાં જ વિશ્વાસુ બેબીસીટર સાથે મૂકો
• બહાર ખરીદી કરતી વખતે તમારાં બાળકોને તમે શીખવાડો કે તેઓ તમારી સાથે જ રહે.
• નાનાં બાળકોને બાથરૂમમાં એકલાં ન રાખો.
• બાળકો સાથે કારમાં બહાર જતાં હો ત્યારે તેઓને એકલાં ક્યારેય ન રાખો.
• યુવાન બાળકને ગાડીમાં મૂકી ક્યારેય સ્ટોર-દુકાન કે જાહેર જગ્યાએ જવાનું ટાળો.
• બાળક તેનું પૂરું નામ, સરનામું, ટેલિફોન નંબર વગેરે પોલીસ ઓફિસરને આપી શકે તેવું શીખવાડો.
• અજાણી વ્‍યક્તિ હેરાન કરે તો તમને કહે તેવું બાળકને શીખવાડો.
• અજાણી વ્‍યક્તિ મદદ માગે તો સાવધાન રહે તેવું બાળકને શીખવાડો.
• બાળક મુશ્કેલીમાં હોય તો ત્‍યાંથી ભાગવાનું અને જ્યાં વધુ લોકો હોય ત્યાં જાય તેવું શીખવાડો.
• અજાણી વ્‍યક્તિ પાસેથી બાળક કોઈપણ વસ્તુ ન લે તેવી તાલીમ આપો.
• સ્‍કૂલમાં જણાવો કે અજાણી વ્‍યક્તિ કે સગાંવહાલાંને બાળક ન સોંપે
• બાળક કે યુવાન બાળકને શીખવાડો કે ક્યાં જાય છે કોની સાથે જાય છે અને મોડું થવાનું હોય તો તે ઘરે જણાવે
• બાળકને સ્‍કૂલ બસમાં જાતે બેસાડો.

સ્‍કૂલમાં જતી વખતેનાં સૂચનો.

• સ્‍કૂલમાં લઈ જવાની બધી વસ્તુ સ્‍કૂલબેગમાં બરાબર મૂકો આથી વસ્તુઓ પડી જવાનો અવકાશ ન રહે.
• બસ સ્ટોપ પર સમય કરતાં પહેલાં પહોંચો. બસ માટે દોડવું જોખમી છે.

બસ સ્ટોપ પર જતી વખતે.

• નાનાં બાળકોને બસ સ્ટોપ સુધી મૂકવા વાલીઓએ જાતે જવું જોઈએ. મોટાં બાળકોએ ગ્રુપમાં ચાલવું જોઈએ કારણ કે ગ્રુપને આસાનીથી ડ્રાઇવર જોઈ શકે.
• ફૂટપાથ પર કે શેરીમાંથી ચાલવું જોઈએ. જો શક્ય હોય તો રોડની ધાર પર ચાલવું જોઈએ.
• રસ્તો ઓળંગતાં પહેલા થોભો અને રસ્તાની ડાબી અને જમણી બાજુ જોઈને ચાલો.

બસની રાહ જોતાં  -

• તમારા બાળકને રમત કે મસ્તી કરવા દેશો નહીં તે ઘણું જોખમી છે.
• તમે ખાતરી કરી લો કે તમારું બાળક રસ્તાથી આશરે છ ફૂટ અંદર છે.

બસ આવે અને જાય ત્યારે.

• બસની એકદમ નજીક ન જાવ ડ્રાઇવર જોઈ શકે તે જગ્યાએથી બસ ક્રોસ કરો.
• જ્યાં સુધી કંડક્ટર " ઓ.કે." કહે નહીં ત્યાં સુધી થોભો અને પછી જ બસમાં બેસો.